[Lyric] El Hob Fein | الحب فين (Marwan Pablo)

[اللازمة]
الحب فين اللي بتسهروله الليل
وبعدين لحد إمتى هدور عليه
بقيت أفكر بالساعات
هو أنا كبرت و وقتي فات؟
ولا مشاعري خلصت وقلبي مات؟

[المقطع الأول]
راضي، بالمكتوب أنا دايما راضي
صابر من لما كُنت صَبي
فتحت لقيت الوحدة قصادي
‫حولت حياتي لـ monologue
‫ملقتش للبشر catalogue
زهرة الشباب مليانة شوك
بحر أحزاني كله موج
حقيقة، كان لازم آلم للقصيدة
عاملت عقول كانت مريضة
الغدر في ملتهم كان فريضة
والقلب جريح
أحاسيس دبلانة أكنه فصل الخريف
لا بيأثر ذم ولا بيأثر مديح
والمسكنات مابتوقفش النزيف
[اللازمة]
الحب فين اللي بتسهروله الليل
وبعدين لحد إمتى هدور عليه
بقيت أفكر بالساعات
هو أنا كبرت و وقتي فات؟
ولا مشاعري خلصت وقلبي مات؟

[الجسر]
في وحدة، وصراع
في الليل، والصباح
داء بدون لقاح
مركب بدون شراع

[المقطع الثاني]
الحب فين؟
قولوا له إني بسأل عليه
المتاهة دي أخرتها إيه؟
لو نده كنت رديت
الدنيا جابتنا، الدنيا ودتنا
في لحظة هزتنا في التانية رستنا
لو مشاعركوا حقيقية بجد كانت شدتنا
بطلنا نحبوا في اللي بيموتنا
رفضت اسيب روحي للمخدرات
رفضت أدي طاقتي للمزيفين
فوقت وعرفت ليه مالقتش إجابة
عشان كنت مش بسأل غير الكدابين
[اللازمة]
الحب فين اللي بتسهروله الليل
وبعدين لحد إمتى هدور عليه
بقيت أفكر بالساعات
هو أنا كبرت و وقتي فات؟
ولا مشاعري خلصت وقلبي مات؟